رجعت من الغياب والوقت مو بدري
تعايدني وكأني في حياتك أي انسانه
( كل عام وانتي بخير ) وتقبلي عذري
عذر لاشي ... ما ينطقه كذاب بلسانه
رجف قلبي وضـاق بحزته صدري
ضوت فيني شموع الهجر حزنانه
قهـر يـاهو قهر آآآآه لـوتــدري
بساتيني سقاها انسان احرقت بستانه
طلع شخص كرهته رافـــع قــدري
لقيت قدري بحبيبي خارج اوطانه
اشوفك فيه... وخايف لا ينكشف امري
وهـو واقـف معي ويـديـه خـسرانه
ذخرت الحقد لـــــه ولا نفذ صبري
قطفت الورد لك ... والشوك من شانه
غريبه كيف ...!؟ مااصدق كل ذا يجري
بعد كل ما فعلته ... اكون غلطانه
غريبه كيف ...!؟ جرحته ولانوى هجري
بعد كل ما فعلته ... القاني بحضانه
انا منهو اهمه ومن ما إهتم في امري؟
جفاف وبرد او قلب رواني وفيه دفيانه
ليست هناك تعليقات:
إرسال تعليق
يهمني تعليقك :