انتهى قصرك وشيدته
والخدم والحشم
شريان… ودم
اسكنيني حب وغلا
اسكنيني كيف ماصار
والله مايهم…
هنا
بحر… من مجلسك تشوفين البحر
هنا
نهر… في ساحتك اعذب نهر
اش تبينه يصير اكثر…؟
تامري … واللبيك الأمر…
انتهى قصرك وشيدته
مُتعب… قلبه بيده
صيفه ربيع
شتاه ربيع
خريفه يضيع
دافي مفقود برده
اش تبينه يصير اكثر…؟
تامري … واللبيك الأمر…
اسكنيني للأخير
قصر… روح… قلب…
وطن… ترحال… درب…
كل ذا ماهو كثير
انتي… انتي…
كل المصير
اش تبينه يصير اكثر…؟
هادي الاحساس عاصف
والشراع موطن وكون
ساكن امواجي مشاعر
وهايج امواجي سكون
لك يرق الحرف عذب
من نهر دافي شعوري
صافي ماعكره كذب
ظاهر بغيابي وحضوري
طاح مني ولا تكسر…
بس قولي…
اش تبينه يصير اكثر…؟
تامري … واللبيك الأمر…
ليست هناك تعليقات:
إرسال تعليق
يهمني تعليقك :