| فمان الله حان الرحيل بحزته وحينه
فمان الله لاتسكبين الدمع والحزن لي تبدين
فمان الله ياسهام العاذل وسطوة سكاكينة
فمان الله ويرتاح حاسدي ويهتني الحين
فمان الله رحيلي شراع وبُعدي السفينة
فمان الله طويل الدرب ولاينتهي في سنين
فمان الله .. مجهول القدر مانعرف عناوينه
فمان الله راضي بمكتوبي زين وشين
عساها اخر دموعك دمعت الطفل في عينه
نديه فوق وجناتك بريه في حظن شطين
عساه اخر وداع يكون وفي قلبك تظمينة
عساه حزنً يكدر صفوتك من علته تبرين
ابي ترتاحي يا روحي وقلبك بطلق ادينه
فك القيد بغايبي … ورحيلي اهون الحدين
انا اسف ولا بودي جبرني بُعد ماتودينه
ولكن ماحتملت اناظرك غز اشواكهم تشكين
تحملتي كفايه و جفاهم لك دوم تكنينه
واسمع قالوا وقالوا بصمتك دون ماتحكين
يستثرونك حكي وفيني حكيهم اعذبه شينه
وهم لا سايروني لاجاوروني ولا اعرفو مين
دخليك كان فيني عيب بعد مارحل تسرينة
وصاتي امانه...والامانة وصاتيلك ليوم الدين
السر يبقى مختفي عن فؤداك لو سأل وينه
وأن مرك اللطيف القديم كسري اقلامك ولاتكتبين
دام خذانا الموج لزوم ننسى السكينه
مركب الاحلام كان وشراعنا حب وحنين
ضمنا ساحل وفيه صدور تملاها الضغينه
اثنين نيتهم صفت وحولهم حقد دفين
آه لو تحكي الصداقة عن قلب كانوا ساكنينه
وكيف باعوا قصورهم لحظت حظرتي تسكنين
كان يثمر في جبين الصاحب صحبة سنينه
وكانت ادنى ماتفيضه بحر وسحابه ودمعتين
مارخصت القاصي منهم وبساعة الشدة عوينه
كيف لاصاح الخوي محتاجني ما يلقى يدين
حي ذخر لي الحب قبلت له كفه وجبينه
وميت ملاه الحقد وكلته على الحي المعين
دام يبنض في قفص صدري ودمه بشراينه
تبقي انتي الروح ويبقى لك حارسك الامين
وان ذبل غصني وجاك العلم بفايح ياسمينه
عزي فيني ولا يمنعك حزنك عزايه تحضرين
وان سلوك اهلك واهلي من وين كنتي تعرفينه
جاوبيهم فاعلة خير ونيل الاجر تقصدين
وان استحى الصدق رافض بزيف كلمه تنطقينه
اقتليه الحرف بشفاتك لو هم حركوه لاتنقطين
او لاتحضرين … وعزي فيني دمعه العين الحزينه
وامسحيها بثوب الحداد... سواد وفراق وانين
يكفني باكون حي في وسط قلب المدينه
يكفني باكون حي في خفاء سر دفين
صووت الفرقاء وصلنا للغياب مرسى السفينه
اطوي شراعك رحيل ولا تفتكر مرساك وين؟ | 
ليست هناك تعليقات:
إرسال تعليق
يهمني تعليقك :